ເຈົ້າລະຍ້ອມແພ້ ຫຼື ຈະໄປຕໍ່

ເຈົ້າລະຍ້ອມແພ້ ຫຼື ຈະໄປຕໍ່

ຊີວິດຂອງຄົນເຮົາ ບາງຄັ້ງມັນກໍ່ມີການຜິດພາດ ເຮັດໃຫ້ຄົນທີ່ເຮົາຮັກເຮົາຕ້ອງຜິດຫວັງ ແລະ ໃນຊີວິດຂອງພວກເຮົາກໍ່ບໍ່ສາມາດທີ່ຈະກັບຫາຈາກຈຸດນັ້ນໄດ້. ພວກເຮົາຈະຮູ້ສຶກຄືກັບຫວ່າ ເປັນຫຍັງອະນາຄົດມັນຈິງມືດມົນໄປໝົດ ຄືກັບວ່າມີຄົນມາກໍ່ກຳແພງປິດກັນໄວ້ ເຮັດໃຫ້ເຮົາບໍ່ສາມາດເບີ່ງເຫັນຫຍັງເລີຍ ບໍ່ເຫັນເລີຍແມແຕ່ສິ່ງດີໆ ມັນຄືກັບຖ້ຳ ທີ່ເຕັມໄປດ້ວຍສັດປະຫຼາດ ເຮັດໃຫ້ເຮົາຢ້ານທີ່ຈະເຂົ້າໄປຢູ່ໃນນັ້ນ.

ແຕ່ມັນເປັນພຽງ ຄວາມຫວ່າງເປົ່າເທົ່ານັ້ນ ແລະ ນັ້ນມັນອັນຕະລາຍສຸດໆ ມັນອັນຕະລາຍທີ່ຈະຄິດເຖິ່ງເລື່ອງອະນາຄົດ ພວກເຮົາຕ່າງກໍ່ຄິດວ່າມັນບໍ່ມີຫຍັງດີເລີຍ ຈົນເຮົາຢາກຈະລຸດອອກຈາກຈຸດໆນັ້ນ, ສະຖານະການເຫຼົ່ານັ້ນ, ອອກຈາກທຸກສິ່ງທຸກຢ່າງ ເພາະຄວາມໂຫດຮ້າຍຂອງການມີຊີວິດ ມັນຄວບຄຸມຊີວິດຂອງພວກເຮົາໄປໝົດ ແລ້ວມັນກໍ່ຈະກັບມາສູ່ຄຳຖາມເກົ່າໆ "ຄວາມໝາຍຂອງຊີວິດຄືຫຍັງ? ". "ເປັນຫຍັງເຮົາຈິງເກີດມາ?".

ເກີດມາເພື່ອຈະດຳລົງຊິວິດ ແລະ ກໍ່ຕາຍໄປເທົ່ານັ້ນເບາະ ເປັນຫຍັງຈິງມີຄຳຖາມຫຼາຍກວ່າຄຳຕອບ ໄປຖາມພໍ່ແມ່ວ່າ: ເປັນຫຍັງຈິງເປັນແບບນີ້ ໄປຖາມໝໍ ຖາມຜູ້ໃດ ຖາມໃຜກໍ່ບໍ່ມີໃຜທີ່ຈະສາມາດໃຫ້ຄຳຕອບໄດ້ເລີຍ. ມັນກໍ່ເລີຍສາມາດບອກໄດ້ວ່າ ມັນມີບາງຢ່າງໃນຊີວິດ ທີ່ເຮົາບໍ່ສາມາດຄວບຄຸມ ແລະ ປ່ຽນແປ້ງໄດ້ເລີຍ ເຮົາພຽງແຕ່ຈະຕ້ອງຢູ່ກັບມັນໃຫ້ໄດ້ ມັນພຽງສອງທາງເລືອກນັ້ນກໍ່ຄື: "ຈະຍ້ອມແພ້ ຫຼື ຈະໄປຕໍ່ "

ສິ່ງທີ່ຂ້ອຍຢາກຈະບອກຄື: ຂ້ອຍເຂົ້າໃຈ ເຂົ້າໃຈວ່າຄວາມຮູ້ສຶກນັ້ນ ກັບຄວາມຄິດທີ່ວ່າ "ຢາກຈະໃຫ້ມັນຈົບຢູ່ຈຸດນີ້" "ຢາກຈະໃຫ້ມັນຈົບເກມໄວໆ" "ເກມຂອງຊີວິດ" ແຕ່ສິ່ງທີ່ເໜືອໄປກວ່ານັ້ນ ຄືຄວາມເຂົ້າໃຈ ແລະ ຄວາມເປັນຫວງຂອງຂ້ອຍກໍ່ຄືຂ້ອຍຢາກຈະສະເໜີສິ່ງໃດສິ່ງໜຶ່ງໃຫ້ເຈົ້າ ແຕ່ມັນຈະມີກົດເດີ ນັ້ນກໍ່ຄື: "ກົດແຫ່ງທຳມະຊາດ" ແລະ "ກົດແຫ່ງລະດູການ" ຍົກຕົວຢ່າງເຊັ່ນ: ໃນລະໜາວມັນໜາວຫຼາຍແມ່ນບໍ່? ໂດຍສະເພາະຖ້າເຈົ້າທາງພາກເໜືອເຊັ່ນ ແຂວງຊຽງ ຫົວພັນມ,... ອາກາດມັນໜາວຫຼາຍຈົນບາງຄັ້ງເຮົາບໍ່ສາມາດທົນໄດ້ ຈົນເຮົາຄິດວ່າບໍ່ຢາກທີ່ຈະທຸກຢາກແບບນີ້ອີກຕໍ່ໄປ ແຕ່ເຮົາລອງຄິດເຖິງ "ກົດຂອງທຳມະຊາດ" ລອງເບີ່ງອີກຈັກ 2 ເດືອນ ຫຼື 8 ອາທິດ ລະດູຝົນກໍ່ຈະມາແລ້ວ ໂລກມັນກໍ່ເປັນແບບນີ້ ເປັນວົງຈອນຂອງມັນໄປເລີຍໆ ນີ້ກໍ່ຄືກົດຂອງມັນເອງ ຕອນນີ້ຂ້ອຍຮູ້ສຶກວ່າໜາວຫຼາຍ ແລະ ເຈົ້າຮູ້ສຶກງຸດງິດທີ່ສຸດເລີຍ ບໍ່ຮູ້ຈະຫາທາງອອກໃຫ້ສະຖານະການນີ້ແນວໃດ ແຕ່ຂ້ອຍຂໍ້ໃຫ້ເຈົ້າອົດທົນອີກໜ້ອຍໜຶ່ງ

ຄວາມສຸກນັ້ນ ມັນຄືທາງເລືອກ ເຈົ້າບໍ່ສາມາດມີຄວາມສຸກໄດ້ຕະຫຼອດ ບາງຄັ້ງເຮົາກໍ່ພົບບັນຫາບໍ່ດີແນ່ນອນ ແຕ່ຖ້າ "ເຮົາ"ພະຍາມເລືອກ "ຄວາມສຸກ" ໃນທຸກໆວັນທີ່ເຮົາຕື່ນຂື້ນມາ ເຮົາຄວນທີ່ຈະບອກຕົວເອງວ່າ ເຖິງຈະເປັນແນວໃດ ຂ້ອຍກໍ່ຈະບໍ່ໃຫ້ປັດໃຈພາຍນອກ ມາມີຜົນໃນດ້ານອາລົມຂອງຂ້ອຍແນ່ນອນ. ຂ້ອຍຈະເປັນຄົນຕັດສິນໃຈເອງ ວ່າຈະຂ້ອຍຮູ້ສຶກກັບໃຜ-ສິ່ງໃດ-ແນວໃດ ເພາະຂ້ອຍເລືອກທີ່ຈະມີຄວາມສຸກ.

ຂ້ອຍສັນຍາກັບເຈົ້າເລີຍ ວ່າຖ້າເຈົ້າເຮັດແບບນີ້ໃດ ເຈົ້າຈະສາມາດໃຊ້ຊີວິດຢ່າງມີຄວາມສຸກຫຼາຍກວ່າເກົ່າແນ່ນອນ ແລະ ຢ່າງນ້ອຍມັນກໍ່ຄຸມຄ່າທີ່ຈະລອງເດີ. ຂ້ອຍໃຫ້ເຈົ້າຈື່ໄວ້ສະເໜີວ່າ ບໍ່ວ່າສິ່ງໃດທີ່ພວກເຮົາທຸກຄົນກຳລັງພົບຢູ່ນັ້ນ ຈະລຳບາກເທົ່າໃດກໍ່ຕາມ ມັນກໍ່ເປັນພຽງລະດູການໜຶ່ງທີ່ມັນກຳລັງຈະຜ່ານໄປໃນໄວໆນີ້. ລະດູໜາວທີ່ແສນຈະທຸກທໍລະມານກຳລັງຈະໝົດໄປ ແລະ ລະດູຝົນທີ່ແສນອົບອຸ່ນກຳລັງຈະເຂົ້າມາ ຈົງເບີ່ງມັນໃຫ້ຄືກັບເມັດຊາຍ ເຖິງມັນຈະຫຼາຍເທົ່າໃດ ແຕ່ຊາຍມັນກໍ່ຄືເມັດຊາຍນ້ອຍໆເທົ່ານັ້ນ ມືຫວານເຮົາຍັງຜ່ານມາໄດ້ ເປັນຫຍັງມືນີ້ເຮົາຊິບໍ່ຜ່ານໄປໄດ້ອີກ ຂໍໃຫ້ທຸກຄົນກ້າວໄປຕໍ່ໃຫ້ໄດ້ເດີ ເປັນກຳລັງໃຈໃຫ້ສູ້ໆ